HILARIOUS > 最新動態

【港超專版】黃金福嚴父三遷 鋪囝囝鋼門路

作者:Beata 日期:2017-09-29 標籤: 分類:阅读:17

古有孟子阿媽為幫個仔讀好書而「孟母三遷」,估不到曾在70年代叱咤本地足壇、前馬來西亞門神黃金福,20年來亦為「寶貝仔」黃子揚(Oscar)的學業,由香港搬去上海、再回流馬國後,今年決定重返香港,讓Oscar入讀著名學府中文大學!不過,這位「門神二代」亦深得父親遺傳「文武雙全」天分,學踢足球僅5年即有小成,在剛過去的周日更為標準流浪正選上陣,成為球隊躋身高級組銀牌賽8強功臣!

代表馬來西亞參加1972年慕尼黑奧運後,黃金福就來了香港發展,為加山、南華、流浪、精工等多間著名球會把關;而最令人留下印象是在征戰沙場同時,黃金福更在理工讀夜校進修,足見其對追求知識的重視,而這份重視亦投射到兒子Oscar身上:「退役後我本身喺香港搞電機工程,但Oscar讀完幼稚園搵唔到好嘅小學,於是就決定辭工舉家移居上海,報讀到一間名校。直至讀到初中三就回流馬來西亞,都係因揾到好學校。到咗今年,我就同Oscar講,如果香港最出名嗰兩間大學收你,咁就返香港啦!結果中大話收佢,而妹妹就讀港大,咁咪一齊返嚟香港囉!」黃金福強調一直都是以兒子學業為先,踢波只是第二,故今次帶兒子返回其成名地香港球壇,絕對只是巧合!

16歲先知老竇咁威水

黃金福貴為馬國一代經典門將,但原來阿仔16歲時才知道這「秘密」,子揚回憶道:「之前喺上海居住時,只知老竇喺香港做電機工程,但搬到馬來西亞後,發現身邊好多人都識佢,再由佢哋口中先知老竇咁出名!聽得多嘅時候,就開始對踢足球有興趣,於是叫老竇教我踢波!」原來除了「踢得又讀得」外,兩父子擔任守門員也同樣甚具天分。當年黃金福學守龍門5年,就能夠代表馬來西亞出戰奧運;而子揚16歲才學踢波,不足5年就在港超聯上陣!

就是因為足球,令子揚與心目中不苟言笑的「嚴父」之間,多了一道溝通橋樑:「喺上海長大加上又有身高,就想好似姚明咁打籃球。但自從學踢波之後,就好想好似老竇咁勁!亦因為足球,我哋多咗共同話題,感情亦好咗!」然而,子揚亦承認也會出現反叛情緒:「依家有自己諗法就多咗拗撬,有時我係認同佢嘅講法,但我要做到先得嘛,一畀佢鬧就會好忟!不過,如果換轉嗰句係教練鬧就唔會駁嘴,但始終呢個係老竇,覺得唔啱就要拗吓,咁先叫做兩父子嘛!」

做好本分毋須怯場

即使有爭拗,但子揚亦明白父親都是其背後最大支援。今年3月,子揚在迎戰港會一仗首次上陣港超聯,賽前告訴父親自己「怯怯哋」!見慣大場面的黃金福即霸氣地道:「有乜好怯?龍門擺出嚟就要畀人入波,教練認為你得先會畀機會你落場,你做好自己就得啦!」子揚聽過後如釋重負,果然最了解子揚莫過於父親黃金福!

老竇私人醒:唔夠霸氣畀人撞死!

想當年黃金福雖然身形不高大,但卻憑藉一股狠勁,令胡國雄、鍾楚維、劉榮業、「耶蘇」居里也顧忌三分!如今兒子黃子揚身形高大,黃金福反而嫌他霸氣不足:「佢只係遺傳到我嘅天分,但打波嘅性格一啲都唔似!佢咁靜,得個高字,我係前鋒都唔驚佢啦,實撞死佢!」但Oscar卻有相反意見:「阿爸成日叫我踢波狼死啲,我已經好狼㗎喇,只係唔夠老竇咁狼啫!」

潘廣德預言Oscar必成大器

現為「亞洲守門員訓練中心」主教練的前港甲門將潘廣德,是黃金福的世姪,他亦對子揚寄予厚望:「近呢幾年香港已經好少有身高差不多1米9嘅門將,所以佢絕對係好材料!雖然Oscar較遲起步,但經驗可以累積、技術可以鍛煉,相信經過喺較多上陣機會嘅標準流浪浸多幾年,必定可成大器!」


本文来源:http://hk.on.cc/hk/bkn/cnt/sport/20170929/bkn-20170929000527680-0929_00882_001.html

分享至:

<< November 2017 >>
S M T W T F S
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
  • 藍橘子- 【關於抽脂減肥的秘密,你不知道吧?】(4) (1)https://goo.gl ...

    【關於抽脂減肥的秘密,你不知道吧?】(4) (1)https://goo.gl/YkzFrv (2)https://goo.gl/L5IRCv (3)https://goo.gl/lhfQZy ====== . 「簽好了。」 我帶善欣進入屋內,把 ...

  • Zhou Tianwei‏ @tinwillchow

    #个护化妆# 修正 清爽滋润沐浴露750ml拍下15.9元包邮 | 蕴含天然香氛精华,尽享浪漫芳疗魔力,有效洁净保湿、深层滋养,令肌肤柔滑、润泽,更富弹性,丰富的泡沫、独特的香水气息让你尽享浪漫迷人的... http://www.yangmaocun.com/35962.html 

  • WK Tsang - Google+ - Google Plus

    【突工隊】冷凍溶脂變燒傷劉小姐:水泡乒乓波咁大. s.nextmedia.com. no plus ones. no comments. no shares. Post has attachment. WK Tsang. Public... Apr 29 ...

Copyright © 2016 -Hilarious-Delicacy Moment- All Rights Reserved.